Igisupusupu na Agnès bashimagiza Kagame mu ndirimbo nshya

Igisupusupu na Agnès bahuriye ku ndirimbo “Ikipe itsinda” yasohotse ku wa 16 Kamena 2024, mu rwego rwo gushyigikira no kwamamaza Perezida Kagame mu matora y’Umukuru w’Igihugu. Iyi ndirimbo yakozwe mu byumweru bibiri, igaruka ku bikorwa bye by’iterambere, umutekano n’ubumwe bw’Abanyarwanda.

Aba bahanzi bombi basanzwe bari muri label imwe ya The Boss Papa, bavuga ko bakoze iyi ndirimbo nk’abanyamuryango ba FPR-Inkotanyi bagamije gutanga umusanzu wabo mu matora. Ni ubwa mbere bahuriye mu ndirimbo, aho bagaragaza ko bashyigikiye Kagame nk’umukandida wabo.