Irushanwa rya UEFA Champions League 2025/2026 ritangira ku wa 16 Nzeri 2025, rihuza amakipe 36 akomeye i Burayi. Amakipe azahatanira kugera ku mukino wa nyuma uzabera i Budapest ku wa 30 Gicurasi 2026.Abasesenguzi bagaragaza ko iri rushanwa rizaba rikomeye bitewe n’imbaraga z’amakipe atandukanye.
Amakipe yo mu Bwongereza nka Arsenal, Liverpool na Manchester City ari mu ahabwa amahirwe. Arsenal yiyubatse neza igura abakinnyi bashya, mu gihe Liverpool yashoye amafaranga menshi ku isoko. Manchester City nayo ikomeje kuvugurura ikipe iyobowe na Pep Guardiola. Chelsea nayo iri mu makipe akomeye nyuma yo kwitwara neza mu marushanwa mpuzamahanga. Muri Espagne, Real Madrid na FC Barcelona ni amakipe ahora ahabwa amahirwe.
Real Madrid ifite amateka akomeye n’abakinnyi nka Kylian Mbappé.
FC Barcelona nayo ifite impano zikiri nto ziyobowe na Lamine Yamal. Bayern Munich yo mu Budage ni ikipe ihora ihanganye bikomeye muri iri rushanwa. Mu Bufaransa, Paris Saint Germain niyo iheruka kwegukana igikombe kandi ishobora kongera kucyegukana. Amakipe yo mu Butaliyani nka Inter Milan nayo akunda gutungurana no kugera kure. Muri rusange, iri rushanwa riba ririmo gutungurana, aho amakipe amwe ategerejwe ashobora kuvamo kare.
Abafana benshi bategereje kureba uzegukana igikombe n’uzatungurana muri uyu mwaka.
Iri barura rizaba ridasanzwe kuko rizashyiramo amakuru ku moko y’abantu, ibintu byari byarasabwe kenshi. Iheruka ryakozwe mu 2011, mu gihe iryagombaga kuba mu 2021 ryasubitswe kubera icyorezo cya COVID-19.
Comments
0