Inoti zishaje zahawe amezi 12 yo kuzihindura mbere yo guta agaciro

Banki Nkuru y’u Rwanda (BNR) yatangaje ko hari inoti zimwe z’amafaranga y’u Rwanda zizata agaciro guhera tariki ya 1 Werurwe 2027. Ibi bivuze ko abaturage bafite amezi 12 yo kuzijyana guhindurwa, uhereye tariki ya 2 Werurwe 2026.

Mu itangazo ryashyizwe ahagaragara kuri uyu wa Kabiri, BNR yavuze ko inoti zizata agaciro zirimo:

Inoti ya 500 Frw yasohotse mu 2004 n’iyo mu 2013

Inoti ya 1000 Frw yasohotse mu 2004 n’iyo mu 2015

Inoti ya 2000 Frw yasohotse mu 2007

Inoti ya 5000 Frw yasohotse mu 2004 n’iyo mu 2009

BNR irasaba abaturage bose bafite izi noti kuzihinduriza ku gihe mbere y’uko zitakaza agaciro.