Entertainment

ENTERTAINMENT

ABAHANZI NYARWANDA CHRISTOPHER NA CHRIS EAZY BAMAZE KUGEZA IKIREGO MURI RIB.

Abahanzi Christopher na Chriss Eazy batanze ikirego muri RIB nyuma yo kwibwa ibikoresho byabo n’umuntu utaramenyekana. Ubu bujura bwabaye mu ijoro ryo ku wa 9 Kamena 2024 mu nzu ya Christopher i Kimironko, ubwo bari barimo kurangiza amashusho y’indirimbo “Sekoma”. Umujura yibye mudasobwa ebyiri na telefoni ya Chriss Eazy. Ubuyobozi bwa Chriss Eazy bwemeje ko ikibazo cyagejejwe muri RIB, hakaba hategerejwe ibisubizo by’iperereza.

Esther Uwiduhaye • January 7, 2026 • 1 min

ENTERTAINMENT

IKOMPANYI CARCARBABA NIYO YATANZE IMODOKA ZIFASHISHIJWE MURI KIGALI PEACE MARATHON KUNSHURO YA 19

Imodoka ya kompanyi Carcarbaba, icuruza imodoka nshya kandi zigezweho, yakoze amateka yo kuyobora isiganwa rya Kigali International Peace Marathon ku nshuro ya gatatu, iba iya mbere ibikoze mu Rwanda. Ibi byabaye ku 9 Kamena mu isiganwa rya 19 ry’iyi marathon ngarukamwaka ryabereye i Kigali. Iyo modoka, ya Forthing Friday, ikoresha amashanyarazi 100% kandi ishobora kugenda ibilometero 410 yuzuye, yashimishije benshi kubera isura yayo n’ikoranabuhanga riyirimo, ikaba yaragize uruhare mu kuyobora abakinnyi no kugaragaza amakuru y’isiganwa.

Esther Uwiduhaye • January 7, 2026 • 1 min

ENTERTAINMENT

IBYIHARIYE K’ UMUKOBWA UFITE IKIBUNO KININI KW’ ISI.

Gracie Bon ni umunyamideli wamenyekanye cyane ku mbuga nkoranyambaga, ukomoka muri Panama, uzwi cyane kubera imiterere ye idasanzwe n’icyizere yiyitaho. Yavutse mu 1994, akaba yitegura kuzuza imyaka 30, kandi akunzwe cyane kubera amafoto ashyira ku mbuga nkoranyambaga yambaye bikini, agaragaza ko yiyemera kandi yiyakira uko ari. Nubwo hari abibaza ku miterere ye, abandi benshi bamukundira uburyo yiyubaha no gukomeza abandi.

Esther Uwiduhaye • January 7, 2026 • 1 min

ENTERTAINMENT

INZIRA Y’UMUSARABA UMUHANZIKAZI ALYN SANO YANYUZEMO MURUGENDO RWO GUKORA INDIRIMBO SAY LESS.

Indirimbo “Say Less” ya Alyn Sano, yasohotse mu mpera za 2022, ni imwe mu zamuhesheje izina kuko yayikoranye n’abahanzi bakomeye barimo Sat B wo mu Burundi na Fik Fameica wo muri Uganda. Mu ikorwa ryayo, Alyn Sano yahuye n’ingorane zikomeye zirimo impanuka y’imodoka yabaye ari mu nzira ajya muri Uganda gufata amashusho. Nubwo yari mu bihe bikomeye by’amarangamutima, yakomeje gukora indirimbo kugeza irangiye, kandi ubu avuga ko iyo ayirebye amutera ishema n’ibyishimo ku rwego agezeho.

Esther Uwiduhaye • January 7, 2026 • 1 min

ENTERTAINMENT

Igisupusupu yahuje imbaraga na Agnès bakora indirimbo irata ibigwi Perezida Paul Kagame

Abahanzi Nsengiyumva François (Igisupusupu) na Niyorukundo Agnès bahuriye ku ndirimbo nshya yitwa “Ikipe Itsinda”, yasohotse ku itariki ya 16 Kamena 2024 mu rwego rwo kumamaza Perezida Kagame mu matora y’Umukuru w’Igihugu. Ni ubwa mbere bahurira ku ndirimbo n’ubwo bari muri label imwe ya The Boss Papa. Indirimbo, yafatiwe amajwi n’amashusho mu byumweru bibiri, igaragaza ibikorwa byiza Perezida Kagame yakoze mu gihugu n’uruhare rwe mu bumwe, amajyambere n’umutekano w’u Rwanda. Nsengiyumva na Agnès bateye intambwe yo gukora iyi ndirimbo bishingiye ku kuba abanyamuryango ba FPR-Inkotanyi kandi bashaka kumushyigikira mu matora ateganyijwe muri Nyakanga 2024. Mu nyikirizo, baririmba bati: “Ikipe itsinda… nzatora Kagame Paul”, kandi buri murongo ugaragaza ibikorwa byiza Kagame yakoze mu Rwanda. Abahanzi bose bazwi ku ndirimbo zabo zabaye izakunzwe mbere, nka “Turi mu munyenga” na “Motari.”

Esther Uwiduhaye • January 7, 2026 • 5 min

ENTERTAINMENT

Ubukwe budasazwe mu gihugu cya Afurika y’Epfo

Mu mpera z’icyumweru cya Pasika, itorero International Pentecostal Holiness Church (IPHC) ryo muri Zuurbekom, Afurika y’Epfo, ryateguye ubukwe rusange bwahuye imiryango 55, harimo n’abagabo bashyingiranywe n’abagore benshi (poligami), bishingiye ku nyigisho zo mu Isezerano rya Kera. Ubukwe bwaranzwe n’imyambarire idasanzwe, imodoka zihenze nka midnight sapphire Rolls Royce, n’abaririmbyi n’abacuranzi. Umuyobozi mukuru Leonard Modise yayoboye ibirori, aho abageni bashyikirijwe mu buryo bwihariye. IPHC ikora poligami mu mucyo kandi yemewe n’amategeko, isaba abashyingiranwa kwipimisha SIDA no kuganira ku buzima bwabo mbere y’ubukwe. Abakirisito b’itorero bavuga ko poligami ibafasha kwirinda ubusambanyi no kurengera ingo zabo, kandi ko ubukwe bwemewe n’Imana igihe bukozwe mu buryo buhuje n’inyigisho z’itorero. Itorero ryatangiye mu 1962 kandi rigenda ryaguka cyane.

Esther Uwiduhaye • January 7, 2026 • 2 min

ENTERTAINMENT

DJ DIZZO WITEGURAGA KWIBARUKA YASANZE UMWANA ATARI UWE.

Ibizamini byafatiwe muri Rwanda Forensic Institute byagaragaje ko DJ Dizzo atari se w’umwana yizeraga ko ari uwe, nyuma y’uko ibizamini bine bya ADN byose byabyemeje. DJ Dizzo, ufite imyaka 26 kandi urwaye kanseri, yari yaratangaje ko ategereje kwibaruka mu 2023, ndetse umwana w’umuhungu yavukiye muri Ugushyingo 2023. Ariko kubera impungenge zishingiye ku gihe cya nyuma yari yarahuye n’umubyeyi w’umwana, yafashe icyemezo cyo kwipimisha, ibisubizo bigaragaza ko umwana atari uwe.

Esther Uwiduhaye • January 7, 2026 • 2 min

ENTERTAINMENT

UMUHANZI DIAMOND ARI MUBYISHIMO BYINSHI NYUMA Y’UKO JASON DERULO AMWEMEREYE GUKORANA NAWE INDIRIMBO

Umuhanzi w’Umunya-Tanzania Diamond Platnumz, uri mu Bufaransa, yagaragaje ibyishimo byinshi nyuma y’uko Jason Derulo yemeye ko bazakorana indirimbo binyuze mu kiganiro bagiranye kuri Instagram. Derulo yemeje ubu bufatanye akora repost y’ifoto Diamond yasangije abakunzi be, bituma hatangira kwemezwa ko iyi ndirimbo iri mu nzira.

Esther Uwiduhaye • January 7, 2026 • 1 min

ENTERTAINMENT

ibikorwa bya ‘Premier Betting’ byahagaritswe mu Rwanda

Premier Betting (yaje kwitwa Solidaire Rwanda Ltd) yahagaritswe gukorera mu Rwanda nyuma y’uko uruhushya rwayo rwo gukora ibikorwa byo gutega n’imikino y’amahirwe binyuze kuri internet rurangiye kandi ubusabe bwo kuruvugurura bwanzwe na Minisiteri y’Ubucuruzi n’Inganda (MINICOM). Nubwo iki kigo cyari cyarasabye kongererwa uruhushya kuva mu 2022 kandi cyari cyemerewe gukomeza gukora by’agateganyo mu gihe hategerejwe icyemezo, MINICOM yaje kugisubiza ko ubusabe bwacyo butemewe. Bityo cyategetswe guhagarika ibikorwa byacyo byihuse. Nyuma y’ibi, ikigo cyamenyesheje abakiriya bacyo ko kitagikorera mu Rwanda, basabwa kubikuza amafaranga yabo vuba.

Esther Uwiduhaye • January 7, 2026 • 2 min

ENTERTAINMENT

Umuhanzi ukomeye mu birori byo guha ikipe ya APR FC igikombe

Umuhanzi w’Umunya-Uganda Jose Chameleon ategerejwe kuririmba mu birori byo guha APR FC igikombe cya shampiyona biteganyijwe ku wa 28 Gicurasi 2025. Ibi bibaye nyuma y’igitaramo aherutse gukorera i Kigali muri BK Arena, aho yasusurukije Abanyarwanda. Ibirori bizaba nyuma y’umukino wa nyuma wa shampiyona w’umwaka w’imikino wa 2024–2025, uhuza APR FC na Musanze FC ku munsi wa 30. APR FC yegukanye igikombe cya shampiyona ku nshuro ya 23 kuva yashingwa mu 1995, kikaba n’icya 6 ikurikiranya kuva mu 2020. Iyi kipe izahagararira u Rwanda mu marushanwa Nyafurika y’amakipe yabaye aya mbere mu bihugu byayo.

Esther Uwiduhaye • January 5, 2026 • 1 min

ENTERTAINMENT

Jeff Bezos na Lauren Sánchez mu myiteguro y’ubukwe bw’ikinyejana i Venice

Jeff Bezos, washinze Amazon akaba umwe mu bantu bakize ku isi, ari mu myiteguro y’ubukwe bwe na Lauren Sánchez, umunyamakuru w’Umunyamerika, buteganyijwe hagati ya tariki ya 24 na 28 Kamena 2025 mu mujyi wa Venice mu Butaliyani. Ubukwe buzabera ahantu hihariye kandi hafite amateka akomeye, harimo ku kirwa cya San Giorgio Maggiore no mu nyubako za kera, hifashishijwe n’ubwato bwe bwihariye Koru mu kwakira ibirori byihariye. Biteganyijwe ko ubu bukwe buzitabirwa n’abashyitsi bagera kuri 200 barimo abaherwe n’ibyamamare bikomeye ku rwego mpuzamahanga, aho imyiteguro irimo gukorwa n’amahoteli akomeye yo muri Venice. Nubwo bimeze bityo, hari impungenge n’ingaruka abaturage bamwe ba Venice bagaragaza, zirimo umuvundo n’izamuka ry’ibiciro, ndetse hakaba hatangiye imyigaragambyo irwanya uko ubukwe bushobora guhungabanya ubuzima bw’abenegihugu. Lauren Sánchez yinjiye mu buzima bwa Bezos nyuma yo gutandukana na MacKenzie Scott, bakaba basanzwe bafatanya mu bikorwa by’ubugiraneza. Nubwo hari abahanura ibibazo bishobora kuzakurikiraho mu rugo rwabo, Bezos na Sánchez bakomeje imyiteguro y’ubukwe mu byishimo n’icyizere, bategerejweho gutegura ibirori bikomeye byiswe n’abatari bake “ubukwe bw’ikinyejana.”

Esther Uwiduhaye • January 5, 2026 • 2 min

ENTERTAINMENT

Iserukiramuco “Gisagara Urugero rw’ibishoboka Festival 2024-2025” ryahuje urubyiruko mu bikorwa by’ubukangurambaga n’imyidagaduro

Ku wa 29 Kamena 2025, ku bufatanye n’Akarere ka Gisagara binyuze mu kigo cy’urubyiruko Gisagara Youth Empowerment and Governance Organization (GISAGARA YEGO) Center, habaye iserukiramuco ryiswe “Gisagara Urugero rw’Ibishoboka Festival 2024–2025.” Ryahurije hamwe urubyiruko n’abaturage mu rwego rwo guteza imbere impano, gukangurira urubyiruko kwigirira icyizere no kubereka ko kugera ku nzozi zabo bishoboka. Iri serukiramuco ryabanjirijwe n’isiganwa ry’amagare ryatangiriye kuri ADEPR Mukande rinyura mu Karere ka Huye, Kibilizi, rikarangirira mu Murenge wa Ndora, rigamije guteza imbere siporo no gushishikariza urubyiruko gukora ibikorwa bibafasha gutera imbere. Nyuma yaryo, ibirori byakomereje ku kigo cy’urubyiruko cya Gisagara, ahagaragajwe imbyino, indirimbo, imivugo, ubuhamya bw’urubyiruko rwateye intambwe mu kwiteza imbere n’ubutumwa bwo gushishikariza kwihangira imirimo. Abitabiriye isiganwa bahawe ibihembo birimo amagare mashya n’amafaranga, mu kubashimira umuhate no kubatera imbaraga. Umuyobozi w’Akarere ka Gisagara yashimye ubwitabire bw’urubyiruko, ashimangira ko ari umusingi w’ejo hazaza, anizeza ko ubuyobozi buzakomeza gukorana narwo mu guteza imbere iterambere rirambye. Iri serukiramuco ryabaye umwanya mwiza w’ubusabane no guhuriza hamwe imbaraga zo kubaka ejo heza.

Esther Uwiduhaye • January 5, 2026 • 2 min

ENTERTAINMENT

Tariki 2 Nyakanga: Umumsi wahariwe gutebya

Umunsi Mpuzamahanga wo Gutebya (International Joke Day) wizihizwa buri mwaka ku ya 2 Nyakanga, ugamije kwibutsa abantu akamaro ko guseka no gusangira ibyishimo mu buzima bwa buri munsi. Utandukanye na April Fool’s Day, kuko wibanda ku gutebya kwiza, kudafite ingaruka mbi, bigamije kunezeza no guhuza abantu. Uyu munsi ukoreshwa mu gusangiza inkuru zisetsa, amagambo y’urusobe, amafoto na videwo bisekeje, haba mu miryango, ku kazi, mu mashuri no ku mbuga nkoranyambaga. Watangijwe n’igitekerezo cya Wayne Reinagel, hagamijwe gufasha abantu guhangana n’agahinda n’umunaniro binyuze mu guseka. Nubwo mu Rwanda utaramenyekana cyane, ni umwanya mwiza wo gushishikariza abantu guha agaciro igitwenge, kuko abahanga bagaragaza ko gifite akamaro gakomeye ku buzima bwo mu mutwe no ku munezero rusange. Muri make, ni umunsi wibutsa ko guseka ari “paracetamol y’umutima” ishobora guhindura umunsi n’ubuzima bw’umuntu.

Esther Uwiduhaye • January 5, 2026 • 2 min

ENTERTAINMENT

Katy Perry na Orlando Bloom Bemeye Gutandukana, bagashyira imbaraga mu kurera umwana wabo Daisy

Nyuma y’imyaka irenga umunani bakundana, Katy Perry na Orlando Bloom batangaje ko batandukanye mu bwumvikane, bashyira imbere inyungu n’imibereho myiza y’umwana wabo w’umukobwa, Daisy Dove Bloom. Mu itangazo ryo ku ya 3 Nyakanga 2025, bavuze ko batakiri mu mubano w’urukundo ariko ko bazakomeza gufatanya mu kurera umwana wabo mu rukundo n’ubwubahane. Impamvu nyamukuru z’itandukana ryabo zishingiye ku kazi kenshi, ingendo n’ubuzima buhuzagurika bw’ibyamamare. Nubwo batandukanye, bombi bagaragaje ko bafitanye umubano mwiza kandi biteguye gukomeza gufatanya nk’ababyeyi n’inshuti.

Esther Uwiduhaye • January 3, 2026 • 2 min

ENTERTAINMENT

Umunyarwenya Herbert Mendo Ssegujja uzwi nka Teacher Mpamire, yageze i Kigali

Ku wa kabiri tariki 8 Nyakanga 2025, umunyarwenya w’icyamamare wo muri Uganda, Teacher Mpamire, yageze i Kigali aho yaje kwitabira igitaramo cya Genz Comedy Show kiyoborwa na Fally Merci. Iki gitaramo giteganyijwe ku wa 10 Nyakanga 2025 muri Camp Kigali (KCEV), kikazitabirwa n’abandi banyarwenya barimo Rumi, Kadudu, Joseph, Pirate n’Umushumba. Teacher Mpamire yasezeranyije Abanyarwanda kuzabaha ibyishimo n’urwenya rudasanzwe muri iki gitaramo.

Esther Uwiduhaye • January 3, 2026 • 1 min

ENTERTAINMENT

Bill Gates yavuye ku rutonde rw’Abaherwe 10 ba mbere kw’isi kubera gukorera abandi

Bill Gates yakuwe mu baherwe 10 ba mbere ku isi nyuma y’uko umutungo we ugabanutseho 30% mu gihe gito, ahanini bitewe n’impano nyinshi yatanze binyuze muri Gates Foundation. Umutungo we wavuye kuri miliyari $175 ugera hafi kuri miliyari $124, bituma ava ku mwanya wa 5 ajya ku wa 12 ku rutonde rwa Bloomberg Billionaires Index. Yasimbuwe na Steve Ballmer wahoze ayobora Microsoft, ubu ufite umutungo wa miliyari $172 bitewe n’izamuka rikomeye ry’imigabane ya Microsoft. Gates yatangaje ko ateganya gutanga hafi umutungo we wose mbere ya 2045, aho Gates Foundation izaba imaze gukoresha asaga miliyari $200 mu bikorwa by’ubugiraneza.

Esther Uwiduhaye • January 3, 2026 • 2 min

ENTERTAINMENT

Burna Boy yasabye imbabazi ku magambo yatangaje yitandukanya na Afrobeats

Burna Boy yasabye imbabazi ku magambo yavugiye muri 2023 yitandukanya n’injyana ya Afrobeats, asobanura ko icyo gihe atari ameze neza mu mutwe kandi atari yiteguye kwakira uko abantu babifashe. Mu kiganiro na BBC 1Xtra, yavuze ko yumvaga atishimiye gushyirwa mu cyiciro kimwe cy’injyana imwe, bigateza impaka ndende. Nyuma yaje gusobanukirwa akamaro k’ijambo “Afrobeats” n’uruhare ryarufashije mu kumenyekanisha umuziki we ku rwego mpuzamahanga, anasaba imbabazi ku rujijo byateje. Ibi byakurikiwe n’isohoka rya album ye nshya “No Sign of Weakness”, aho yemera Afrobeats kandi agashimangira ko azakomeza kuba umuhanzi w’ukuri, nubwo atazahora ari inkundwakaza ya buri wese.

Esther Uwiduhaye • January 3, 2026 • 2 min

ENTERTAINMENT

Umuhanzi w’icyamamare mu itsinda Iron Maiden, Paul Mario Day, yapfuye

Paul Mario Day, umwe mu bashinze Iron Maiden akaba n’umuririmbyi wayo wa mbere, yitabye Imana afite imyaka 69. Yari umuhanzi w’Umunyongereza wagize uruhare rukomeye mu gutangiza iri tsinda rya Heavy Metal mu mwaka wa 1975, afatanyije na Steve Harris. Nubwo yavuye muri Iron Maiden mbere y’uko iryo tsinda rigera ku izina rikomeye ku isi, umusanzu we mu kurishinga no mu kwandika indirimbo za mbere wasize amateka akomeye mu muziki wa Heavy Metal. Amakuru y’urupfu rwe yatangajwe ku mbuga nkoranyambaga z’itsinda n’inshuti ze, bagaragaza ko yakomeje gukorera umuziki kugeza ku munota wa nyuma w’ubuzima bwe. Abakunzi b’umuziki, abahanzi, umuryango n’inshuti bakomeje kumwunamira no kumwibuka nk’intwari yagize uruhare rukomeye mu gushinga no guteza imbere Heavy Metal ku rwego mpuzamahanga.

Esther Uwiduhaye • January 3, 2026 • 1 min

ENTERTAINMENT

Icyumba cya Rap Icyiciro cya 2: Igitaramo kigarukanye imbaraga no gukangura RAP nyarwanda.

“Icyumba cya Rap – Icyiciro cya 2” ni igitaramo cya Hip-Hop/RAP nyarwanda giteganyijwe kuba ku wa 26 Ukuboza 2025 muri Zaria Court, gitegurwa na MA Africa. Kigamije kongera gukangura no guha imbaraga injyana ya RAP imaze imyaka irenga 20 mu Rwanda. Iki gitaramo kizahuriza hamwe abaraperi barenga 10, barimo K8 Kavuyo ndetse n’itsinda rya Tuff Gang ritezwe cyane kubera kongera kugaragara hamwe ku rubyiniro. Hazanagaragara abaraperi b’ibihe bitandukanye, kuva ku batangiye mu myaka ya 2000 kugeza ku rubyiruko ruri kuzana umwihariko mushya. Uretse kuba igitaramo, kizabamo n’ibiganiro bigamije kurebera hamwe iterambere rya RAP nyarwanda n’uko yarushaho kugera ku rwego rwo hejuru. Icyiciro cya mbere cyabaye ku wa 10 Mutarama 2025 muri Camp Kigali, nyuma yo gusubikwa kubera imvura, cyitabiriwe n’abaraperi bakomeye nka Riderman, P Fla, Fireman, Diplomate, Green P na Bushali. Ibiciro byo kwinjira biri hagati ya 10,000 Frw ku muntu umwe na 150,000 Frw ku meza ya VIP. “Icyumba cya Rap – Icyiciro cya 2” gitegerejwe cyane kuko gihuza abaraperi bashya n’abasanzwe, kikagarura icyizere n’agaciro ka RAP nyarwanda, kikaba kimwe mu bitaramo bisoza umwaka wa 2025.

Esther Uwiduhaye • December 25, 2025 • 3 min

ENTERTAINMENT

Ku wa 15 Nyakanga: Umunsi Mpuzamahanga w’Ubumenyi bw’Urubyiruko

Umunsi Mpuzamahanga w’Ubumenyi bw’Urubyiruko wizihizwa buri tariki ya 15 Nyakanga, washyizweho na Loni mu 2014 hagamijwe guteza imbere ubumenyi n’ubushobozi bw’urubyiruko mu guhangana n’isoko ry’umurimo rihora rihinduka. Ugaragaza akamaro ko gushyigikira urubyiruko mu mahugurwa y’imyuga, ikoranabuhanga n’ubumenyingiro, ndetse no kugaragaza imbogamizi rukigira mu kubona amahirwe yo kwiga no guhanga akazi. UNESCO na ILO bifatanya mu gukangurira ibihugu guteza imbere ibigo by’ubumenyingiro no guhanga udushya mu mahugurwa, hagamijwe guha urubyiruko ubumenyi bujyanye n’igihe. Insanganyamatsiko y’uyu munsi ishimangira gukomeza gushyigikira urubyiruko binyuze mu bumenyi bwa AI n’ubuhanga mu ikoranabuhanga, nk’urufunguzo rw’iterambere rirambye.

Esther Uwiduhaye • July 15, 2025 • 1 min