All Articles

SPORTS

APR FC yemeje bidasubirwaho ko yasinyishije myugariro wo hagati, Nduwayo Alexis wakiniraga Gasogi United.

APR FC yasinyishije umukinnyi ukiri muto, Nduwayo Alexis, ku masezerano y’imyaka ine akina nk’umukinnyi wa yo. Alexis avuye muri Gasogi United, aho azafatanya na Clement Niyigena, Aliou Suane na Yunnus Nshimiyimana mu ikipe ya APR FC. Yatanzweho 25 miliyoni Rwfr kandi azajya ahabwa umushahara wa 900,000 Rwfr. Nduwayo yiyongereye ku bakinnyi batanu b’abanyarwanda n’abandi banyamahanga batatu bamaze gusinyira APR FC. Biteganyijwe ko rutahizamu wa kane azagezwa vuba, nyuma y’aho ikipe izafunga isoko ry’iyi mpeshyi, yitegura shampiyona n’imikino mpuzamahanga.

Niyubahwe Gilbert • July 7, 2025 • 1 min

SPORTS

Rutahizamu w’Umurundi Nibibona Eddy yasinyiye Amagaju FC amasezerano y’imyaka ibiri.

Rutahizamu w’Umurundi, Nibibona Eddy w’imyaka 23, wakiniraga Rukunzo FC, yasinyiye Amagaju FC ku masezerano y’imyaka ibiri. Eddy yari umwe mu bakinnyi batsinze ibitego byinshi muri Shampiyona y’u Burundi 2024-25, aho yatsinze ibitego 20, akaba agiye gufasha Amagaju FC mu mwaka w’imikino 2025-2026. Uyu mukinnyi azahura na Iradukunda Desire, undi Rutahizamu w’Umurundi wari ukinira Ngozi City, nawe wasinyiye Amagaju FC amasezerano y’imyaka ibiri.

Niyubahwe Gilbert • July 7, 2025 • 1 min

SPORTS

Yasambanije Abakobwa benshi, none yatawe muri yombi.

Reza Parastesh, umugabo ukomoka mu Iran, ashinjwa gusambanya abakobwa benshi akoresheje isura ye isa na Lionel Messi, ndetse akoresha imyambaro n’ikarita ya nimero 10 y’ikipe ya FC Barcelona kugira ngo agire uwo yibutsa. Yatangiye kumenyekana mu 2017 ubwo yasabye papa we kumwemerera kwambara imyenda ya Barça, bigatuma afotwa asa na Messi, bityo amasosiyete n’abantu bamumenye bamushaka ku bikorwa by’ubucuruzi no gufata amafoto.

Niyubahwe Gilbert • July 7, 2025 • 1 min

EDUCATION

Perezida Kagame yifatanyije n’Itsinda ry’Impuguke ku Isakazabumenyi ku Isi mu kwizihiza imyaka 15

Ku Cyumweru tariki ya 6 Nyakanga 2025, Perezida Paul Kagame yifatanyije n’Itsinda rya Broadband Commission for Sustainable Development muri Village Urugwiro mu kwizihiza imyaka 15 rimaze rishishikariza kugeza internet kuri bose. Perezida Kagame, umwe mu bariongozi baryo ku rwego mpuzamahanga, yashimangiye ko internet ari uburenganzira n’isoko y’amahirwe n’iterambere rirambye, ashimirwa uruhare rwe mu guteza imbere ikoranabuhanga ku Isi.

cyiza joseph • July 6, 2025 • 2 min

RELIGION

Abashakashatsi bakoze iby’igitangaza bafungura imva ya Yesu bwa mbere mu myaka irenga 500

Mu 2016, abashakashatsi bo muri Kaminuza ya Tekiniki ya Athens bafatanyije na National Geographic bafunguye imva ya Yesu i Yeruzalemu bwa mbere mu myaka irenga 500. Bavumbuye amabuye ya kera yemeza amateka y’aho hantu. Nubwo nta bisigazwa byabonetse, ubushakashatsi bwashimangiye ko iyo mva ishobora kuba ari yo Yesu yashyinguwemo, bihuza siyansi n’ukwemera.

Niyikora Leah • July 6, 2025 • 3 min

INTERNATIONAL

Texas benshi bari kuburirwa irengero bitewe n’imyuzure idasanzwe

Imyuzure ikomeye yabaye muri Texas yo hagati yahitanye abantu barenga 100, abandi benshi baburirwa irengero, by’umwihariko mu Karere ka Kerr aho amazi yatwaye ikigo cy’abakobwa. Ibikorwa byo gutabara no gushakisha birakomeje nubwo bigoranye n’imvura ikomeje kugwa. Guverineri Greg Abbott yatangaje ko Leta izakomeza ubutabazi kugeza igihe umuntu wa nyuma abonywe.

isingizwe benitha • July 6, 2025 • 1 min

POLITICS

Ali Khamenei, Umuyobozi w’Ikirenga wa Iran, Yagaragaye bwa Mbere Mu Ruhame Nyuma y’Intambara na Israel

Umuyobozi w’Ikirenga wa Iran, Ayatollah Ali Khamenei, yagaragaye mu ruhame bwa mbere nyuma y’intambara y’iminsi 12 yahuje Iran na Israel, aho yitabiriye ibirori by’idini byabereye mu musigiti wa Imam Khomeini i Teheran. Ibi byabaye mu rwego rwo kwibuka iyicwa rya Imam Hussein, umunsi w’ingenzi mu idini ya Shia Islam. Abaturage bamwakiranye ibyishimo, bagaragaza ko bakimushyigikiye. Khamenei yari amaze ibyumweru atagaragara mu ruhame kuva Israel yatangiza ibitero byo ku wa 13 Kamena, nubwo yari yaravugishije amashusho mbere. Iyi ntambara yakurikiye amakimbirane amaze igihe hagati ya Iran na Israel, Israel ikavuga ko Iran ishaka gukora intwaro za kirimbuzi, mu gihe Iran ibihakana. Ibitero bya Israel byahitanye abantu barenga 900 muri Iran, mu gihe ibisasu bya Iran byishe nibura 28 muri Israel. Amerika nayo yivanzemo igaba ibitero ku nganda za kirimbuzi za Iran, Donald Trump avuga ko ubushobozi bwa Iran bwo gukora intwaro za kirimbuzi bwasenyutse. Icyakora, IAEA n’inzego z’ubutasi za Amerika byavuze ko nubwo habaye ibyangiritse, Iran igifite ubushobozi n’ibikoresho byo gukomeza ibikorwa bya kirimbuzi. Kugaragara kwa Khamenei mu ruhame byafashwe nk’ikimenyetso cy’uko agikomeje kugenzura ubutegetsi, nubwo igihugu cye kiri mu bihe by’ubwoba n’ingaruka z’iyi ntambara.

Carine NIYAKIRE • July 6, 2025 • 3 min

POLITICS

Ali Khamenei umuyobozi w’ikirenga wa Iran Yagaragaye bwa mbere mu ruhame nyuma y’intambara na Israel

Umuyobozi w’Ikirenga wa Iran, Ayatollah Ali Khamenei, yagaragaye bwa mbere mu ruhame nyuma y’intambara y’iminsi 12 hagati ya Iran na Israel, yitabira ibirori by’idini i Teheran. Yarakiriwe n’abaturage bishimye. Intambara yahitanye abarenga 900 muri Iran. Nubwo Amerika yavuze ko yasenye gahunda ya kirimbuzi, IAEA ivuga ko Iran igifite ubushobozi.

Niyikora Leah • July 6, 2025 • 3 min

POLITICS

Gen (Rtd) James Kabarebe yagaragaje akamaro k’ururimi rw’Igiswahili mu guteza imbere ubumwe n’iterambere muri EAC

Ku wa 6 Nyakanga 2025, Umunyamabanga wa Leta ushinzwe Ubutwererane bw’Akarere, Gen (Rtd) James Kabarebe, yafunguye ibirori byo kwizihiza ku nshuro ya kane Umunsi Mpuzamahanga w’Ururimi rw’Igiswahili mu Rwanda, agaragaza ko guteza imbere Igiswahili mu bihugu bigize EAC ari intambwe ikomeye mu gushimangira ubumwe, ubufatanye, amahoro n’iterambere rirambye. Insanganyamatsiko y’uyu mwaka, “Uburezi budaheza n’iterambere rirambye,” yagaragaje akamaro k’ururimi mu kongera amahirwe angana mu burezi, cyane ku rubyiruko n’abagore, no mu kwihutisha intego z’iterambere rirambye (SDGs). Gen Kabarebe yanasabye ibigo by’uburezi, inzego z’imiyoborere n’urubyiruko gukoresha Igiswahili mu buzima bwa buri munsi no mu mikoranire y’akarere.

Carine NIYAKIRE • July 6, 2025 • 2 min

SPORTS

Mbappé yigaragaje mu buryo budasanzwe Real Madrid itsinda Borussia Dortmund 3-2

Nubwo yari akiri mu bitaro kubera gastroenteritis yamutwaye ibiro 5, Kylian Mbappé ntiyigeze atenguha abafana ba Real Madrid. Mu mukino wahuje Real Madrid na Borussia Dortmund, yatsinze igitego cy’intsinzi mu minota y’inyongera, akoresheje sideways scissor kick cyateje ibyishimo mu bafana. Mbappé ataragarura imbaraga 100%, yiteguye umukino wa 1/2 cy’irangiza uzaba ku wa Gatatu, aho ashobora guhura n’ikipe yo mu gihugu cye yigeze gufasha kwegukana igikombe cy’Isi, ari ubwa mbere azahura nayo nka mukinnyi wa Real Madrid.

Niyubahwe Gilbert • July 6, 2025 • 2 min

SPORTS

Chelsea na Aston Villa Bahaniwe Kurenga ku Mategeko y’Imari ya UEFA

Amakipe ya Chelsea na Aston Villa yahanwe na UEFA kubera kurenga ku mategeko agenga imikoreshereze y’amafaranga (financial fair play). Aya makipe ashobora kutemererwa kwandika abakinnyi bashya mu marushanwa ya UEFA 2025-2026, keretse habayeho inyungu zisobanutse mu kugura no kugurisha abakinnyi mbere y’uko isoko rifungwa. Chelsea yaciwe miliyoni 31 z’amayero (ishobora kwiyongera ku miliyoni 60 mu gihe cy’imyaka ine) Aston Villa yahanishijwe miliyoni 11 z’amayero (ishobora kongerwa ku miliyoni 15 mu gihe cy’imyaka itatu) Ibi bihano bijyanye n’uko amafaranga yishyurwa abakinnyi n’abatoza arenze 80% by’umusaruro w’amakipe. Chelsea izitabira Champions League, naho Aston Villa Europa League umwaka utaha.

Niyubahwe Gilbert • July 6, 2025 • 3 min

OTHERS

Ukuntu Gutanga Imbabazi Bihindura Ubuzima

Gutanga imbabazi si intege nke, ahubwo ni imbaraga zituma umuntu abohoka agakura ku mutwaro w’agahinda n’umujinya. Ubushakashatsi n’ubuhamya byerekana ko imbabazi zigabanya stress, zigafasha ubuzima bwo mu mutwe n’ubw’umubiri. Mu Rwanda, nyuma ya Jenoside yakorewe Abatutsi, imbabazi n’ubwiyunge byagize uruhare rukomeye mu gusana umubano no kugarura amahoro. Nubwo zidahanagura ibikomere byose, imbabazi ni intambwe y’ingenzi iganisha ku gukira no kubaho mu mahoro.

isingizwe benitha • July 5, 2025 • 1 min

INTERNATIONAL

Umugabo yajyanywe kwa muganga kwivuza, birangira aciwe igitsina atabizi

Umugabo w’imyaka 28 wo mu Buhinde yagiye kwa muganga ashaka kwivuza ibibazo by’igitsina, ariko abaganga bamukuramo igitsina cyose batamubwiye cyangwa ngo bemererwe. Yahise atanga ikirego ku bw’akarengane kandi ubuzima bwe bwahindutse cyane. Ubuyobozi bw’ibitaro ntiburatanga ibisobanuro, kandi harasabwa iperereza ryimbitse ku byabaye.

isingizwe benitha • July 5, 2025 • 2 min

HEALTH & FITNESS

Abagore benshi barimo gusohora amafaranga menshi kugira ngo bongere amabere mu ibanga

Muri iki gihe hagaragaye impinduka aho abagore benshi batangiye guhitamo amabere mato kandi akomeye asimbura uburyo bwakoreshwaga kera bwo kuyongera cyane. Iyi migenzo mishya yogeye cyane muri Leta Zunze Ubumwe za Amerika yibanda ku gukoresha implants ntoya zituma umuntu agaragara nk’uwifitemo ishusho ye bwite y’umwimerere. Nubwo gushyiramo izi implants ntoya bishobora kurenza amadorali ibihumbi icumi ngo ni serivisi ikunzwe n’abakoresha imiti igabanya ibiro kuko ibafasha gusubiza amabere yabo hejuru. Ibi binyamakuru mpuzamahanga nk’ikitwa The Wall Street Journal byemeza ko abagore bashyira imbere kwigirira icyizere n’imiterere karemano y’umubiri kuruta gufata ingano nini cyane.

Bayana Bliss • July 4, 2025 • 2 min

INTERNATIONAL

Imyuzure yatewe n’imvura nyinshi yateje urupfu no guhunga mu Ntara ya Texas

Abaturage bo muri Texas bibasiwe n’imyuzure ikabije yatewe n’imvura nyinshi ku wa Gatanu, tariki ya 4 Nyakanga 2025, cyane cyane ku nkengero z’uruzi rwa Guadalupe. Amazi yasenye amazu n’imihanda, bamwe bakaba bari guhunga cyangwa baburiwe irengero. Inzego z’ubutabazi zahise zishyiraho gahunda yo kwimura abaturage no kubaha aho bahungira, hakoreshejwe indege, ubwato n’ibikoresho by’ingenzi. Ikigo cy’iteganyagihe cyatanze impuruza mbere y’igihe, gisaba abaturage gukurikiza amabwiriza yo kwirinda impanuka n’urupfu. Iyi myuzure igaragaza ingaruka z’imihindagurikire y’ibihe n’akamaro ko gutegura neza ibikorwa byo kurinda abaturage mu bihe by’ibiza.

isingizwe benitha • July 4, 2025 • 2 min

INTERNATIONAL

Imyuzure yibasiye Texas: Abantu barenga 51 barapfuye, abandi benshi baracyaburirwa irengero

Mu Texas, imyuzure yatewe n’imvura idasanzwe ku ya 4 Nyakanga 2025 yahitanye abantu barenga 50, abandi barenga 30 bakaba baracyaburirwa irengero. Iyi myuzure yahitanye abana benshi, abayobozi b’inkambi z’imyidagaduro n’abaturage basanzwe, aho Camp Mystic, ikigo cyakira abana, cyahuye n’akaga gakomeye. Amazi yarenze ku migezi, asenya inzu n’imihanda, bigatuma ibikorwa by’ubutabazi bikomera. Abapfuye barimo abayobozi b’inkambi n’abakozi bageragezaga gutabara abandi. Inzego z’ubutabazi zikomeje gushakisha ababuze, n’ubwo amakuru avuga ko amahirwe yo kubabona ari make uko iminsi igenda ishira. Ubuyobozi bwa Texas bwasezeranye gufasha imiryango yagize ibyago no gusana ibikorwa byangiritse, mu gihe imyuzure isubiza ku murongo ikibazo cy’imihindagurikire y’ibihe.

isingizwe benitha • July 4, 2025 • 3 min

POLITICS

Abagore bagize uruhare rufatika mu rugamba rwo kubohora igihugu-Perezida KAGAME Paul

Perezida Paul Kagame yatangaje ko abagore bagize uruhare rukomeye mu rugamba rwo kubohora igihugu, bakorana n’abagabo imirimo itandukanye kandi bagatanga ubwitange bukomeye. Yashimangiye ko iterambere ry’igihugu rishingira ku bufatanye n’uburinganire hagati y’abagabo n’abagore, asaba ko bose bafatwa kimwe mu kubaka u Rwanda rudaheza.

Niyikora Leah • July 4, 2025 • 2 min

POLITICS

Abagore bagize uruhare rufatika mu rugamba rwo kubohora igihugu-Perezida KAGAME Paul

Perezida wa Repubulika Paul KAGAME yagaragaje ko abagore bagize uruhare rukomeye kandi rufatika mu rugamba rwo kubohora igihugu, bakorana bya hafi n’abagabo mu mirimo itandukanye. Yavuze ko nubwo batamenyekanye bose mu mazina, abagore bagaragaje ubwitange bukomeye, bamwe banashaka uko barera abana babo kugira ngo bakomeze gushyigikira urugamba. Perezida KAGAME yashimangiye ko uwo musanzu wagize akamaro kanini kandi ko ari impamvu yo gufata abagore n’abagabo kimwe. Yongeyeho ko u Rwanda rukwiye kubakira ku bufatanye n’uburinganire kugira ngo rugere ku iterambere rirambye, ashimangira ko buri Munyarwanda afite uruhare mu kubaka igihugu kizira amacakubiri. Ibi yabivuze mu gihe Abanyarwanda bibukaga isabukuru yo kwibohora ku ya 4 Nyakanga 1994.

Carine NIYAKIRE • July 4, 2025 • 2 min

SPORTS

Rayon sports yamaze gusinyisha babiri

Mohamed Chelly (41) wo hagati ukina no ku ruhande, ukomoka muri Tunisia, wavuye muri Oceano Club de Kerkennah (icyiciro cya 2 muri Tunisia). Yazanywe n’umutoza Afhamia Lotfi kandi azaba anafasha nka mutoza wungirije. Yasinye amasezerano y’umwaka umwe, akazajya ahembwa miliyoni 1 Rwfr. Drissa Kouyaté (27), umunyezamu ukomoka muri Mali, wagize uburambe muri Stade Malien, FC Nouadhibou, ASKO Kara, na AC Léopards. Rayon Sports yamuguze kugira ngo afashe ikipe kwitwara neza mu marushanwa ya CAF, nyuma yo kugaragaza intege nke mu mikino ya CAF Champions League 2024.

Niyubahwe Gilbert • July 4, 2025 • 2 min

SPORTS

Amateka n’ishingwa rya APR FC

APR FC, kipe y’ubukombe mu Rwanda, imaze imyaka 32 ishinzwe kandi yatwaye ibikombe 23 bya shampiyona. Yashinzwe mu 1993 ku gitekerezo cya Perezida Paul Kagame, ishingiye ku mikino y’amakipe ya gisirikare yari isanzwe ibaho mu 1992. Umukino wa mbere wa APR FC wabaye ku Mulindi bahuye n’Abakombozi ba PSD, kandi icyo gihe ni bwo volleyball na basketball byashinzwe. Yatangiye n’abasivili batatu b’abanyamuryango ba FPR Inkotanyi, batoranyijwe mu bakinnyi 32 ba mbere, ubu abakinnyi basanzwe mu kipe barenga 90.

Niyubahwe Gilbert • July 4, 2025 • 2 min